Tagesbericht Sonntag

Ändlech isch es so wit!🎵
Das lange warte het ändlech es Ändi. Hie isch si d Wuche 41😍
Es neus musikalischs Abendtür startet!

Wo aui der Wäg uf Schönried gfunge hei, het kurzum scho die ersti Gesamt- und Durchspielprob agfange. Üse diesjährig Dirigent der Biagio hei mir ou dörfe kennenlerne. Es isch schön ds gse ds au Jahr wieder neui, motivierti, jungi und jung blibnigi Lüt der Wäg i das coole Musiglager finge. Si mir weiterhin gspannt und freue üs ufne ufregendi Musigwuche mit viu Fröid, nöie Fründschafte und guetem Ässä😉.
Öpis isch klar es wird wie immer unvergässlech!🙌🏻