Tagesbericht Mittwoch

Üse Tag isch für die eltere us üsem Register hüt am 01:00 mit früsche Spaghetti „Aglio et oglio“, nach Originalrezept vo üsem sizilianische Dirigent em Biagio gstartet. Nach mässig viu Schlaf ischs Programm mit em Zmorge und Satz- sowie Gsammtprob gstartet.
Am Mittag hets es Grillbuffet mit Salät gäh. Es si no vili Chartene gschribe worde, wo ihlade üses Konzert z Lose. Ah Familie, Fründ*inne und d Musiggsellschafte deheime. När si mir am Nami ga bowle, es isch drunger und drüber gange, aber zum Glück hets nur bi de Cheglä gchlepft. Vorem Znacht si no es paar vo de eltere Querflöte und es Saxophon iz Solbad ga entspanne.

Am Abä hets ä Lasagne und Dessert gäh u de isch scho ume ä Tag vo dere legendäre Wuchä düre gsi!

Querflöte (D Mittulandgruppe us Zimmer 2 :))